Instituti Kombëtar i Shëndetësisë publike ka konfirmuar rastin e parë të lisë së majmunit në Kosovë.
Personi i infektuar është një shtetas i Kosovës i moshës 30-vjeçare i cili ishte kthyer nga Afrika Perëndimore pak kohë më parë.
30-vjeçari ndodhet në spital nën kujdesin e mjekëve, në gjendje të qëndrueshme. Shenjat e para që ai ka shfaqur ishin temperaturë, ethe, ndryshime në lëkurë dhe kruarje.
Këto janë simptomat më të shpeshta ndërsa në raste të rralla sëmundja mund të jetë edhe fatale.
Lia e majmunit e cila përhapet përmes kontaktit të ngushtë u shpall emergjencë globale nga organizata botërore e shëndetësisë në muajin gusht.
