Policia e Lezhës ka vijuar sot me operacionet antikanabis.
Gjatë ditës së sotme është arrestuar në flagrancë shtetasi Elton Pëllumbi, 22 vjeç, si dhe u shpall në kërkim shtetasi P.P. 47 vjeç, ( babë e bir) banues në Ishull – Shëngjin, pasi gjatë kontrollit të ushtruar në banesën e tyre iu gjet dhe sekuestrua në cilësinë e proves materiale 65 kg lëndë e dyshuar cannabis – sattiva e paketuar në 9 thasë.
Policia thotë se është arrestuar gjithashtu në flagrance shtetasi Luigj Zefi, 55 vjeç, banues në Ishull – Shëngjin, pasi iu gjetën dhe asgjësuan 50 bimë narkotike të kultivuara në afërsi të banesës së tij si dhe iu sekuestrua 1 armë zjarri pushkë Model 63 ./a.m.
