Sulmuesi polak ka shprehur pakënaqësinë ndaj kampionëve të Bundesligës, Robert Lewandowski është i zhgënjyer nga Bayern Munich.
Disi e vështirë për ta besuar, por fjalët e menaxherit të sulmuesit polak, nuk lënë vend për dyshim. Maik Barthel ka zbuluar se Lewandowski nuk ka ndjerë mbështetjen e duhur nga shokët e skuadrës dhe trajneri Carlo Ancelotti për t’u bërë golashënuesi më i mirë i Bundesligës.
Në ndeshjen e javës së fundit të Bundesligës nga Frieburgut, Lewandowski luajti titullar, por nuk shënoi asnjë nga katër golat e bavarezëve, duke humbur mundësinë për të qenë ai golashënuesi më i mirë i kampionatit, pasi Aubameyang e mbylli me 31 finalizime, një më shumë se polaku.
“Nuk e kam parë Lewandowskin asnjëherë më të zhgënjyer se në këtë rast”, ka thënë Barthel./a.ç
