Kryeprokurori Adriatik Llalla, ka miratuar disa lëvizje të propozuara nga anëtarët e Këshillit të Prokurorisë së Përgjithshme. Ndryshe nga sa foli, lidhur me ngërçin që kishte krijuar reforma në drejtësi dhe ndryshimet kushtetuese për emërimet dhe transferimet e prokurorëve, Llalla ka urdhëruar kryerjen e disa lëvizjeve në institucionin që drejton.
Kështu, drejtuesi i prokurorisë së Tiranës Petrit Fusha është emëruar në Prokurorinë e Përgjithshme.
Por mësohet se pas daljes së dekretit njëherësh Fusha, është komanduar nga Llalla si drejtues edhe i prokurorisë së Tiranës. Në Prokurorinë e Përgjithshme, është transferuar dhe drejtuesi i prokurorisë së Vlorës Ramadan Troci, i cili njihet si një nga prokurorët që urdhëroi arrestimin e ish-guvernatorit Ardian Fullani.
Mësohet se pas marjes së drekretit tek presidenti, Llalla ka vepruar njësoj si me rastin e Petrit Fushës, duke komanduar Trocin drejtues në prokurorinë e Vlorës. Këto lëvizje janë argumentuar nga Llalla për vijimin e organizimit të punës në këto dy prokurori, që kanë goxha peshë.Lëvizje të tjera Llalla ka propozuar tek Nishani për dekretim si Dritan Ginën, Deniona Katron, Ardian Yllin, i cili nga drejtues në Fier, kërkohet të Transferohet në Durrës. Ndërkohë drejtuesi aktual i Task-Forcës Tiranë, Ndini Tavani është caktuar prokuror i thjeshtë pranë kësaj prokurorie, dhe vendin e tij e ka zënë Deniona Katro.
Lëvizjet në prokurori
Petrit Fusha nga Prokuroria e Tiranës, emërohet në Prokurorinë e Përgjithshme.
Fusha njëherësh komandohet dhe drejtues në prokurorinë e Tiranës
Ramadan Troci nga Prokuroria e Vlorës, emërohet në Prokurorinë e Përgjithshme
Troci njëherësh mësohet të jetë komanduar nga Llalla si drejtues i prokurorisë Vlorë
Dritan Gina nga prokuroria e Durrësit, emërohet në prokurorinë e Tiranës
Deniona Katro nga prokuroria e Durrësit,drejtuese Task-Force në Tiranë.
Këtë detyrë Katro e ka mbajtur përgjatë një vite edhe më parë
Ardian Ylli nga drejtues prokurorie në Fier, emërohet prokuror në Durrës.
Ndini Tavani, nga drejtues Task-Force në Tiranë, prokuror pranë kësaj njësie në Tiranë./reportv/a.k
