Analisti Lorenc Vangjeli ka komentuar lidhur me drejtuesit e rinj të Partisë Socialiste në qarqe, ku u shpreh se PS është duke krijuar sërish avantazhin e saj kohor, teksa PD vijon ende me dilemat dhe marrëdhënien e saj me aleatin e vetë, Partinë e Lirisë.
Ai tha se Partia Socialiste është mjaft e qartë drejt qëllimeve të saj dhe sa i përket Arben Ahmetaj ai tha se në 2018 askush nuk e kishte menduar rikthimin e tij, por mesa duket Rama sipas tij vërtetoi edhe njëherë se e ka ulur në stol dhe nuk e kishte përjashtuar.
E thënë me një fjalë, PS po ri dëshmon dhe një herë se nga rendja drejt qëllimit të saj final është shumë herë më para se PD, e cila vijon ende me pasardhësin e vjetër të vazhdojë me dilemat dhe shto këtu edhe marrëdhënien me aleatin e vetë që është Partia Lirisë dhe raportet mes tyre.”
Më tej ai theksoi se ka një gabim thelbësor në gjykimin e Ramës ku zakonisht në studio të komentatorëve Ramën e konsiderojnë emocional në vendimet që merr, ndërsa ai po e demonstron veten si një pragmatist i jashtëzakonshëm.
“Pra ndërmjet dy profesioneve piktori është kthyer në matematikan, di të llogarisë dhe kalkulojë mjaft mirë. Duhet kujtuar 2018 kur Rama largoi pjesën e bashkëpunëtorëve të tij më të ngushtë. Ahmetaj ishte njëri prej tyre bashkë me të dhe Gjiknuri dhe Ditmir Bushati. Këta njerëz të politikës Rama i zëvendësoi me njerëz pa profil politik por u tentuan të imponohen nga Rama.
Duke u nisur nga e sotmja për të gjykuar fatin e një individi në 2018 askush nuk mendonte se Gjiknuri dhe Ahmetaj do të riktheheshin në PS, por Ahmetaj u rikthyer edhe njëherë dhe me rikthim të rëndësishëm siç ishte rindërtimi i tërmetit. Ahmetaj është viktimë e akuzave, por asnjë nga akuzat për shkak të traditës sonë të ligë në raport me politikën nuk janë vërtetuar në gjykatë. Ahmetaj është viktimë e të shkuarës së tij. Ai rikthye kur se prisnin dhe sot po të them se Rama nuk e ka përjashtuar asnjëherë, por e ka ulur në stol.”
Sipas Vangjelit, Rama është njeriu që i mban të gjithë sëbashku dhe në mungesë të tij PS mund të kishte të njëjtën histori si PD.
“Brenda Partisë Socialiste ka mjaftueshëm zili dhe urrejtje, por është Rama ai që i mban ata të bashkuar dhe madje mund të them se në mungesë të tij Partia Socialiste mund të ketë të njëjtën histori si PD.”/m.j
