Henley & Partners, udhëheqës global në planifikimin e shtetësisë dhe vendbanimeve, ka publikuar Indeksin vjetor të kufizimeve të vizave për dekadën e fundit, e tani nxori edicionin e fundit të 2016-ës. Indeksi i këtij viti, së bashku me të dhënat unike të 11 viteve të fundit, jep një pasqyrë të paparë në zhvillimin e politikave të vizave gjatë kësaj kohe.
Këtë vit, Gjermania mbajti pozicionin e saj në vendin e parë, me politikën e saj pa viza në 177 vende, ndërsa Suedia ka mbetur në vendin e dytë me 176 vende, raporton Panorama.
Një grup më i madh vendesh renditen në vendin e tretë, ku bëjnë pjesë Finlanda, Franca, Italia, Spanja dhe Britania e Madhe, qytetarët e të cilave kanë akses pa viza në 175 vende. Asnjë vend nuk ka rënë më shumë se tre pozicione, duke treguar se, qasja e përgjithshme e lëvizjes pa viza është duke u përmirësuar në të gjithë botën.
Shqipëria renditet në vendin e 53të, pozicion që e ka mbajtur për dy vite, pas përmirësimit të renditjes që në vitin 2013 dhe 2014 ishte në vendin e 45. Progresi global në lirinë e udhëtimit duket se do të vazhdojë edhe për qytetarët e të gjitha vendeve.
