Rrëshqitja masive e gurëve mban prej 5 ditësh të bllokuar lëvizjen në aksin Levan-Tepelenë. Lëvizja drejt jugut bëhet përmes rrugës së Ballshit, por gjendja e aksit të vjetër është e degraduar. Ndëkohë po punohet për hapjen e një rruge provizore në shpatin e malit që bllokoi rrugën, deri në zgjidhjen përfundimtare pasi ndërhyrja për heqjen e inerteve paraqet rrezik.
Rruga nacionale Levan-Tepelenë, mbetet e bllokuar prej mëngjesit të 23 nëntorit pranë fshatit Poçem, për shkak të rrëshqitjes masive të gurëve.
Autoritetet përgjegjesë hetizojnë për të vepruar, pasi ndërhyrja për hapjen e rrugës paraqet rrezik.
Në këtë situatë, ARRSH dhe firma e kontraktuar për mirëmbajtjen e aksit, ka nisur hapjen e një kalimi provizor në shpatet anësore të kodrës që ka rrëshqitur në rrugë.
Deri sa ndërhyra të përfundojë, mjetet që udhëtojnë drejt jugut duhet të marrin rrugën e vjetër të Ballshit.
Në Poçem devijohet drejt Klosit e më pas në Fratar, ku mjetet futen sërish në autostradë.
Por rruga e vjetër është totalisht e degraduar dhe lëvizja aty është e vështirë, siç tregojnë edhe këto pamje.
Pas rrëshqitjes, ARRSH tha se për ndërhyrjen që do të zgjidhë përfundimisht këtë problem do të kërkohet një studim i detajuar, pasi mali ka pësuar një thyerje të fortë tektonike.
Reshjevet intesive, shkaktuan rrrëshqitje gurësh edhe në aksin nacional Burrel-Milot në segmentin e Shkopetit.
Rruga u bllokua për disa orë gjatë natës, ndërsa këtë të martë lëvizja u mundësua vetëm në një sens.
