Në rast se arrihet një marrëveshje mes Kosovës dhe Serbisë, presidenti amerikan Donald Trump ka paralajmëruar se do t’i presë në Shtëpinë e Bardhë, presidentët Thaçi e Vuçiç.
Arritjen e marrëveshjes, Trump e ka quajtur historike. Kjo gjë kuptohet nga letra që i Presidenti i ShBA-së i ka dërguar Presidentit kosovar, Hashim Thaçi.
“Ne jemi të gatshëm që t’ju ndihmojmë në përpjekjet tuaja për të arritur një marrëveshje, e cila reflekton në mënyrë të balancuar interesat e Kosovës dhe të Serbisë.
Një marrëveshje e tillë është e arritshme. Unë pres që në Shtëpinë e Bardhë t’ju mirëpres Ju dhe Presidentin Aleksander Vuçiç, për të festuar atë që do jetë një marrëveshje historike”, i shkruan Trump Thaçit.
Ndër të tjera, Presidenti amerikan, përmes kësaj letre, u ka kërkuar liderëve politikë në Kosovë që të kenë unitet në arritjen e një marrëveshjeje gjithëpërfshirëse me Serbinë.
/a.meta
