Tom Doshi ka vendosur të japë dorëheqjen nga lista e kandidatit për deputet.
Vendimi vjen pa u mbushur ende 24 orë nga zhvillimi i zgjedhjeve të 25 prillit. Ai ka drejtuar Partinë Social Demokrate.
Doshit iu kërkua publikisht nga ambasada amerikane që të mos merrte pjesë në zgjedhje.
Doshi ishte renditur i dyti në Qarkun e Tiranës, ndërsa i pari është kandidati Gertjan Deda, ndërsa në Qarkun e Shkodrës ishte renditur i pari dhe në vend të dytë është kandidati Gledis Çeliku.
Nëse Doshi do të fitojë mandatin në Shkodër, pas dorëzimit të tij, mandatin e deputetit e merr kandidati i dytë në listë.
LETRA E TOM DOSHIT
Kërkesë
Komisionit Qëndror të Zgjedhjeve
Në u nënshkruari Tom Doshi me vullnetin tim të lirë dhe të plotë deklaroj se në datën 26 prill jap dorëheqjen e parevokueshme nga mandati im si deputet i Kuvendit të Shqipërisë.
Deklaroj se sot në datën 26 prill jap gjithashtu dorëheqjen nga mandati im si deputet i fituar pas zgjedhjeve të 25 prillit 2021 dhe jap dorëheqjen nga lista shumëemërore e kandidatëve për deputet të PSD për zgjedhjet për Kuvendin e Shqipërisë të datës 25 prill 2021..
I kërkoj KQZ të bëjë zëvendësimin tim si deputet sipas parashikimeve ët Kodit Zgjedhor.
Sa më sipër është në përputhje me vullnetin tim të lirë dhe të plotë dhe nuk kam sot në datën 26 prill dhe asnjë pretendim me vendimin e KQZ sipas të cilit mandati im i kalon kandidatit tjetër sipas parashikimeve të Kodit Zgjedhor. Kjo dorëheqje është e parevokueshme.
g.kosovari
