Opozita vijon protestën e saj para kryeminsitrisë në ditën e saj të tretë ku qindra mbështetës të saj qëndrojnë të ngujuar në çadër. Për të mbajtur protestën gjallë, çdo ditë protestuesitndërrohen me militantë të PD ndërsa deputetët organizohen me turne. FRPD është edhe më aktivja me organizimin e protestës. Por, duket se krerët e saj, për të arritur qëllimet e protestës janë gati edhe të shkelin ligjet.
JOQ ka publikuar nje letër të Belind Këlliçit, kreut të FRPD. Në të shkruhej plani me disa pika për protestën ku midis të tjerash planifikoheshin alarme për bombë nëpër shkolla për të ndalur mësimin. Po ashtu, parashikohej nxitje bojkoti nëpër shkolla. Nuk mungont e as ftesa për LRI-në që të bashkohej me ta. Ndërkohë, letra ishte humbur nga Këlliçi në një restorant në Tiranë. Dikush që e gjeti e postoi atë dhe thotë se e vërteton edhe me pamje që letra i përket Këlliçit që e harroi në tavolinë.
“Përshëndetje JOQ, ju kërkoj t’ia ktheni kryetarit të FRPD, Belind Këlliçi, këtë traktat që i ka rënë mbrëmë në orën 10:00, teksa po hante darkën në restorant. Ndërkohë që mendohej se ishte ne protestë, ai bënte sikur kishte fituar medalje ari. Ah dhe nëse ai thotë se kjo gjë nuk është e vërtetë, restoranti ka kamera sigurie dhe mund të vërtetohet shumë kollaj.” Thuhej në mesazhin e personit që publikoi letrën më poshtë.
/a.m.
