Prokurorët organeve të akuzës në Tiranë dhe rrethe i janë drejtuar këtë të enjte me një letër eprorit të tyre, Adriatik Llalla, duke i kërkuar të reagojë ndaj institucioneve që sipas tyre zvarrisin hetimet dhe më pas akuzojnë drejtësinë.
“Ju kërkojmë të reagoni ndaj oficerëve të Policisë Gjyqësore dhe inspektorëve të Policisë, Tatimeve dhe Doganave”, thuhet në një letër zyrtarë.
Në këtë apel prokurorët pretendojnë se, oficerët e Policisë Gjyqësore po zvarrisin hetimet e prokurorisë, ndërsa strukturat anti-korrupsion nuk sjellin raste të korrupsionit të zyrtarëve të lartë. “Korrupsion nuk ka vetëm në sistemin e drejtësisë”, vijon letra e prokurorëve.
Ndërkohë, në reagimin e tij kryeprokurori Llalla ka premtuar se, “do adresoj problematikat në strukturat përkatëse shtetërore”. TCH
