Valentina Leskaj, Kryetare e Delegacionit të Kuvendit të Shqipërisë ishte e pranishme në Asamblenë Parlamentare te Këshillit të Europës. Në fjalën e mbajtur znj. Leskaj tha se duhet kontrbuti i përbashkët i BE dhe mirëkordinim për sfidën e emigracionit.
Leskaj nuk la pa komentuar në fjalën e saj as deklaratat e deputetes italiane pak ditë më parëDaniela Santache. Leskaj tha se kjo nuk është zgjidhje.
“Organizatat kriminale të trafikimit në Mesdhe po përdorin rrugët e vjetra por po krijojnë dhe rrugë të reja.
Kontributi i përbashkët i vendeve Europiane është jetësor.
Ka nevojë për zgjidhje të koordinuara, të qëndrueshme dhe gjithëpërfshirëse.
Disa deklarata të ditëve të fundit nuk i shërbejnë zgjidhjeve.
Deti Adriatik u kthye në një urë të rëndësishme bashkëpunimi ekonomik dhe kulturor mes dy vendeve.
Sigurisht emigrantët janë pasoja, por ne duhet të adresojmë rrënjët e problemit.
Çështja e emigrantëve nuk është thjesht çështje policimi kufitar, kontrolli i kufijve është shumë i rëndësishëm, por kjo nuk mjafton dhe nuk është një zgjidhje e qëndrueshme.”, theksoi Leskaj
Sa i përket largimeve nga vendet e Ballkanit, Leskaj tha se problemi kryesor është varfëria.
“Problemet që kanë të bëjnë me zhvillimin ekonomik dhe varfëria janë shkaku kryesor për emigrim. Një qasje të re politike jo vetëm për politikat e refugjatëve por për zgjidhje të qëndrueshme që integrojnë dhe programe zhvillimi dhe shtete stabël.”, u shpreh leskaj
