Komisioni Qendror i Zgjedhjeve ka gjobitur me 5 mijë lekë drejtorin e shkollës së mesme “Shën Meri” në Kukës.
Pas denoncimit të organizatës “Qëndresa Qytetare”, Ilirjan Celibashi në mbledhjen e sotme vendosi dënimin e gjobë të drejtorit, pasi lejoi aktivitetin politik brenda oborrit të shkollës të Gerta Durakut, kandidate në zgjedhjet e 25 prillit, aktualisht deputete e PS-së.
Ilirjan Celibashi u shpreh se vetë drejtori i shkollës e pranoi se aktiviteti partiak ishte zhvilluar brenda oborrit të institucionit arsimor që ai drejton.
“Qëndresa Qytetare ka paraqitur një ankesë për zhvillimin e një aktiviteti elektroal nga deputetja e Partisë Socialiste, Gerta Duraku në shkollën e mesme “Shën Mëri” në Kukës. Aty ka rezultuar se ëshët zhvilluar aktivitet elektoral dhe konsiderohet veprimtari e ndaluar. Vetë drejtori i shkollës pranoi faktin se aktiviteti është zhvilluar, edhe pse jo në ambientit e brendhsëm të shkollës. Për këtë arsye vendoset të merret masa e dënimit me gjobë për drejtorin e shkollës në vlerën e 5 mijë lekëve”, deklaroi Celibashi.
g.kosovari
