Shërbimi i Transportit Rrugor në Tiranë i është nënshtruar reformimit. Tashmë çdo drejtues mjeti i cili paraqitet pranë Drejtorisë Rajonale të Shërbimeve të Transportit rrugor Tiranë nuk do të duhet më të presë në rradhë të gjata deri në 7 orë për të marrë lejen e qarkullimit, çertifikiatën e mjetit, patentën apo kontrollin fizik të një mjeti të sapo blerë, por marrja e shërbimit do të jetë vetëm 20 minuta. Në sallën e regjistrimit të mjeteve Drejtoria Rajonale Tiranë ka shtuar sportelet nga 10 në 18 të tilla duke ofruar në këtë mënyrë lehtësi për qytetarët dhe shkurtimin e kohës së shërbimit. Tabelat informuese elektronike të vendosura në sallën e regjistrimit të mjeteve tregojnë procedurën që duhet ndjekur për cdo qytetar që prEt të marrë një shërbim. Ndryshimet e kryera thonë qytetarët kanë reduktuar rradhët dhe kanë rritur cilësinë e shërbimit.
“Kam marrë një makinë të re dhe po bëj tagrim të ri për herë të parë. Më parë ka rastis që kemi dhënë makina dhe kemi bërë tagrim të ri dhe rrinim 5 orë ose 6 orë dhe qëlloje që vije dhe nesër sepse thoshin nuk është firmos leja e qarkullimit ndërkohë tani e merr direkt mbaron punë në sportel, bën pagesën tek arka dhe pajisesh me targa dhe leje qarkullimi dhe certifikatë pronësie.” thote nje qytetar
“Unë punoj në koncensionar dhe vi gati pothuajse përditë këtu tek drejtoria dhe shikoj që në ndryshim nga vitet e tjera ka një përmirësim. Letrat i marrim direkte nga sporteli dhe jo si dikur prisnim rradhën për të marrë letrat pasi përfundojmë procedurën dhe është një plus i madh.”
“Një nga gjërat themelore që është bërë ndryshim cilësor është që njerëzit nuk presin pasi mbarojnë veprimet për të marrë lejen e qarkullimit dhe certifikatën e pronësisë por merren direkt në sportel me këtë sistemin e ri që është bërë online.” thote nje tjeter qytetar.
Drejtoria Rajonale e Shërbimeve të Transportit Rrugor Tiranë paralajmeron ndryshime të tjera me qëllim rritjen e cilesisë së sherbimit ndaj qytetareve. Në buxhetin e vitit 2019 kjo drejtori parashikon edhe rikonstruksionin e sallës së lejeve të drejtimit të mjeteve në mënyrë që të ofrohet shërbim sa më i shpejtë dhe cilësor për qytetarët e Tiranës.
ma.me
