Agjencia e Trajtimit të Pronave njoftoi se dje ka përfunduar procesin e shqyrtimit për 142 kërkesa, të paraqitura nga subjektet përfitues, pronarë të pasurive të paluajtshme, pronë private, të prekura nga ndërtimet informale, që përfitojnë deri më tani kompensimin apo shpërblimin në vlerë, në masën 70% të shumës së përgjithshme në të holla, të miratuar me Vendimet përkatëse të Këshillit të Ministrave.
Për kërkesat e mësipërme, ka rezultuar se dokumentacioni i tyre është në përputhje me kriteret ligjore.
Kërkesat e miratuara përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse. Fondi financiar që do t’u shpërndahet pronarëve nga Agjencia për këto kërkesa, është në vlerën 206.242.267,72 lekë, ose afro 1.66 milionë euro./a.meta
