E përditshmja franceze Le Figaro, e cilëson Shqipërinë surprizë në klasifikim, ashtu siç ishte suprizë edhe në futboll, kur arriti që të kualifikohej për në Euro 2016.
Duke e renditur Shqipërinë mes 5 destinacioneve që duhen vizituar në 2016-n krahas Rusisë, ishujt e Cape Verde dhe Sllovenisë, gazeta e njohur franceze e rendit vendin tonë të katërtin përpara Sllovenisë.
Mes parqeve kombëtare dhe plazheve befasues, e përditshmja franceze rekomandon vendin tonë si destinacion turistik që ka shumë për të ofruar.
Me më shumë se 10% rritje të kërkesave për të vizituar Shqipërinë nga viti 2014 në vitin 2015, ky është një vend që renditet në destionacionet kryesore për t’u vizituar në vitin 2016.
Gjithashtu, vendet që rekomandohen për t’u vizituar në Shqipëri janë xhamia e Ethem Bej në Tiranë, me tavanin e saj plot ngjyra.
Një shëtitje në rrugët e ngushta të stilit otoman në Gjirokastër, si dhe qyteti i një mijë e një dritareve në rreze të malit. Nuk duhen lënë pa vizituar dhe rrënojat antike të stilit bizantin në qytetin e Apolonisë dhe brigjet bregdetare shqiptare.
