Shefi i grupit parlamentar të LDK-së, Avdullah Hoti ka deklaruar se ish-kryeministri i Kosovës, Isa Mustafa, me nënshkrimin e marrëveshjes për asociacionin e komunave me shumicë serbe në vitin 2015, e ka korrigjuar marrëveshjen e nënshkruar më 2013 nga Hashim Thaçi.
Postimi i Hotit në Facebook:Për hir të opinionit publik, duhet të sqarojmë sërish se ish-kryeministri i Kosovës, Isa Mustafa, me nënshkrimin e marrëveshjes për asociacionin e komunave me shumicë serbe në vitin 2015, e ka korrigjuar marrëveshjen e nënshkruar më 2013 nga Hashim Thaçi, zëvendës i të cilit ka qenë Kadri Veseli.
Për fatin e mirë të Kosovës, nënshkrimi i Isa Mustafës e ka vendosur krijimin e Asociacionit nën juridiksionin e Gjykatës Kushtetuese të Republikës së Kosovës. Çdo gjë tjetër që thuhet për këtë çështje është e pavërtetë dhe nuk meriton replikë, përgatiti Express. (b.an)
