Gjykata e Krimeve të Rënda dënoi me 18 vite burg shtetasin Gate Mahmutaj, i nbjohur si drejtues i grupit kriminal që hapi zjarr ndaj policisë në muajin qershor 2014, kur u zhvillua operacioni “Lazarati 1”.
I cilësuar si “ truri” i grupit që drejtonte trafikun e dorgës, dhe grupin që për ditë me radhë sulmoi policinë, Mahmutaj është edhe personi që mori dënimin më të rëndë mes të akuzuarve.
Nuk i ka shpëtuar dënimit as djali i tij Vandam Mahmutaj, i cili u dënua me 7 vite burg. Atë e bir akuzohen edhe për kultivim droge, e armëmbajtje pa leje. Ndërkohë, mbi Gate Mahmutaj i cili mori dënimin më të rëndë rëndon edhe akuza e krijimit të grupit të strukturuar kriminal.
Këta shtetas u gjykuan me anë të proçedurës së gjykimit të shkurtuar, dhe do të kenë ulje të 1/3 së dënimit të marrë.
Ndërkohë, gjykata dha dënime edhe për disa shtetas të tjerë për këtë çështje. Ja emrat dhe dënimet:
Gate Mahmutaj është dënuar me 18 vjet burg;
Arjan Basha 17 vjet;
Ramadan Basha 12 vjet;
Matias Boçaj 11 vjet;
Vandam Mahmutaj 7 vjet;
Klajdi Karemani 7 vjet;
Lorenc Bregu 7 vjet;
Altea Haskaj 11 vjet
Englent Aliko 12 vjet;
Drini Aliko 2 vjet;
