Drejtoria e Policisë së Qarkut Gjirokastër ka kapur dhe ndaluar 5 shtetas për një sërë veprash penale.
Në një njoftim për mediat bëhet me dije se :
“Në një operacion të koduar “Spring”, policia ka arritur të ndalojë Gentjan. Z. Kazma, 33 vjeç, banues në fshatin Lazarat të rrethit Gjirokastër.
Ramadan .S. Basha, 31 vjeç, banues në fshatin Lazarat të rrethit Gjirokastër.
Arjan .R. Basha, 47 vjeç, banues në fshatin Lazarat të rrethit Gjirokastër.
Gurgaz .S. Skënderi, 24 vjeç, banues në fshatin Lazarat të rrethit Gjirokastër.
Mirteza .Z. Shemsho, 42 vjeç, banues në fshatin Lazarat të rrethit Gjirokastër.
Shtetasit e mësipërm u kapën në fshatin Lazarat dhe u ndaluan pasi, për ta Prokuroria për Krime të Rënda Tiranë ka dërguar Urdhërat e ekzekutimit të vendimeve penale Nr. 191, 192, 197, 200 dhe 201, datë 29.04.2015 të Gjykatës së Shkallës së Parë për Krime të Rënda Tiranë e cila ka vendosur masën e sigurimit personal “Arrest në burg” për shtetasit e mësipërm të cilët dyshohet se kanë kryer veprat penale “Grup i strukturuar kriminal”, “Vrasje e punonjësve të Policisë së Shtetit” e kryer në bashkëpunim e mbetur në tentativë, “Prodhim dhe mbajtje pa leje e armëve luftarake dhe municioneve, “Prodhim dhe shitje të narkotikëve” dhe “Kultivim i bimëve narkotike”, parashikuar nga nenet 333/a, 79/b-25-22, 278/4, 283 dhe 284 i Kodit Penal.
Të gjithë këta persona janë të akuzuar për ngjarjet e ndodhura gjatë opëeracionit Antikanabis Qershor 2014 në Lazarat.
Prokuroria e Krimeve të Rënda në bashkëpunim me Drejtorinë e Përgjithshme të Policisë së Shtetit dhe me Drejtorinë e Policisë së Qarkut Gjirokastër në Qershor 2014, ka nisur procedim penal për sulmet me armë mbi punonjësit e policisë dhe gjithë veprat e mësipërme , gjatë operacionit Antikanabis Qershor 2014 të zhvilluar në Lazarat.
Materialet do i kalojnë Prokurorisë për Krime të Rënda Tiranë. “
