Gjatë konferencës së përbashkët për shtyp me Ramën, ministri i Jashtëm rus tha se vendi i tij mbetet i angazhuar për paqen.
“Ne do të vijojmë angazhimin në luftën kundër krimit dhe trafiqeve. Gjithashtu mbetemi të palëkundur për të luftuar islamofobinë, kristianofobinë, antisemitizmin dhe neonazimin në Europë. Rusia do vijojë mbështetjen për dialogun Serbi-Kosovës. Palët duhet të gjejnë gjuhën për krijimine bashkive serbe në Kosovë” – tha Sergei Lavrov.
Ndërkohë, nën cilësinë e kreut të OSBE, Rama falenderoi palën ruse për mikpritjen.
“Kam kënaqësi të flas me një enciklopedi të gjallë të punëve të jashtme të Rusisë. Më lini të theksoj si kryetar i radhës së OSBE se jam i vetëdijshëm për të qenë ndërmjetës në konfliktin me Ukrainën. Jam këtu plotësisht në frymën e dialogut. Na duhet një bashkëpunim i sinqertë, por nuk është kaq e lehtë ta shohësh të realizohet në mënyrë të qëndrueshme” – tha Rama. /JavaNews/a.r
