Michu Meszaros, aktori që luajti alienin ALF për katër vjet në serialin e sukseshëm humoristik amerikan në NBC, është ndarë sot nga jeta, në moshën 76-vjeçare.
Me gjatësi vetëm 84 centimetra, Michu kishte jozyrtarisht nofkën e “njeriut më të vogël në botë” dhe u bë yll cirku në vitet ’70, kur punoi për cirqet Ringling Bros, Barnum dhe Bailey.
Manaxheri i Michus ka konfirmuar lajmin për TMZ, duke thënë se ai ishte shtruar prej një jave në spital dhe që atëherë kishte qenë në koma.
Për katër vjet ai ishte njeriu pas kostumit të ALF (akronim për Alien Life Form – formë jete aliene), një alien problematik e njëherazi miqësor, i cili u përplas në garazhin e një familjeje periferike të shtresës së mesme në Amerikë.
I lindur në Hungari më 1939, ai u stërvit në një cirk shtetëror. U zbulua nga producentët e cirgut Irvin Feld e Kenneth Feld, të cilët kishin dëgjuar për të, por nuk e besonin se mund të ekzistonte një njeri aq i vogël.
JavaNews/d.i.
