Komisioni i Venecias miraton opinionin përfuindimtar për Reformën në Drejtësi dhe falenderon delegacionin e BE-së për mbështetjen dhe bashkëpunimin. Lajmi në fjalë bëhet i ditur me anë të një postimi në tëitter nga ambasada e Bashkimit Europian në Shqipëri. Në komentet e bëra rreth kësaj çështje vlerësohet se tashmë është përgjegjësi e Parlamentit shqiptar që të finalizojë këtë reform.
Vlerësimi më i fundit i Komisionit të Venecias vjen në një moment pak delikat, po të kihet parasysh se PD-ja ka renditur 11 kushte të tjera, të cilat, sipas saj, do të mundësonin konsensusin për votimin në Kuvend të kësaj reforme. PD-ja gjithashtu kërkon edhe një tryezë politike për arritjen e konsensusit. Kushtet e renditura nga PD-ja, vlerësohen gjerësisht nga ekspertët, si një përpjekje për ta çuar në pikën e nisjes Reformën në Drejtësi. Vlerësimi përfundimtar i Komisionit të Venecias nënkupton se palët nuk mund t’i drejtohen më këtij Komisioni, pasi tashmë Venecia e ka realizuar misionin e saj për të kontribuar me këshilla në hartimin e një ligji të ri për Reformën në Drejtësi.
Qartazi mbetet detyrë e partive që të arrijnë konsensusin që mbi bazën e opinionit përfundimtar të Komisionit të Venecias të miratojnë reformën në drejtësi në Kuvend.
(javanews.al)
