Ermal Meta renditet i treti në Sanremo. Djaloshi nga Fieri trondit Italinë. Nje mbremje plot emocione te forta, ku jane eleminuar mjaft kengetare me emra. Por Ermal Meta arriti te shkelqej duke marre dhe vendin e trete. Nje nate muzikore fantastike. Ermal Meta konfirmohet nje nga zerat me te mire te muzikes italiane. Francesco Gabani triumfon duke fituar vendin e pare.
ma.me
Cili është Ermal Meta, djali që ka rrëmbyer zemrat në Sanremo?!
Për njerëzit e shumtë, që janë të lidhur me rrjetet sociale, emri i Ermal Metës, u bë i njohur saktësisht një vit më parë. Por, në këtë vit, ai në fakt i ka shpërthyer rrjetet sociale, sepse me këngën e tij “Odio le favole”u bë i njohur në të gjithë Italinë dhe mbi të gjitha u tregua për herë të parë zyrtarisht statura e tij. Kurse këtë vit me një baladë, që flet mbi dhunën, titulluar “Vietato Morire”, ka arritur në finale dhe sot është një nga kandidatët kryesorë për të fituar Sanremon 2017.
Ermal Meta është i lindur në Fier dhe pothuaj deri para pak vitesh, ishte krejt i panjohur nga “kopetentët” e muzikës në Tiranë. Në prill të këtij viti, ai mbush 36 vjeç, një moshë pjekurie, por edhe sfide. Historia dhe neglizhenca ndaj tij është një lloj ironie për specialistët e shumtë në Shqipëri dhe mënyrën sesi përzgjidhen talentet, por edhe kaosin e krijuar nga pseudot.
Ai u bë shumë i njohur për tregun muzikor italian dhe vendas (lokal) kur në Sanremo 2016 u përfaqësua me “Odio le favole” (I urrej përrallat).
Ndërkohë, cilësia e lartë e artit të tij (ai kompozon, bën tekste dhe këndon) e ka bërë mik me disa nga emra më të njohur të këtij arti në Itali. Media e tej-Adriatikut, e bën mik dhe bërës tekstesh për Marko Mengonin, mik me Laura Pauzinin, por ka bashkëpunim edhe me Emma Marrone, Chiara, Annalisa, Patty Pravo etj.
Me cilësitë dhe performancën e tij aktualisht konsiderohet si një nga këngëtarët më të vlerësuar në muzikën bashkëkohore italiane.
Karriera e tij ka filluar në Bari, pak pasi mbërriti me familjen e tij në Itali, kur ishte 13-vjeç. U lidh shumë shpejt me grupin “La Fame di Camilla”, me të cilin kanë nxjerrë me shtëpinë diskografike “Universal” tre albume. Por, djali shqiptar u veçua sepse ai nuk ishte vetëm këngëtar, por shkruante tekste të veçanta, që arritën për disa nga emrat më të njohur.
“Tregu muzikor italian është i vogël dhe për këtë arsye edhe shumë i vështirë. Dua të them që nuk ta lë njeri vendin e vet. Ndryshe nga ata që kanë lindur dhe janë rritur në Itali, ti ke lindur në Shqipëri, madje në Fier”, do thoshte një vit më parë për “Panoramën” .
Urojmë që Sanremo 2017 të jetë fitore për të, por edhe porta për suksese të mëdha!
MA.ME
