Klan thotë se autoritetet holandeze kanë konfirmuar ndalimin e të dënuarit me burgim të përjetshëm Arben Frroku.
Sipas burimeve Klan, ai është ndaluar para pak ditësh me dokumenta greke, me identitetin e shtetasit Renato Xhepa.
Por autoritetet vendase dyshojnë se ky është pikërisht i kërkuari i drejtësisë shqiptare, për vrasjen e ish – kryekomisarit Dritan Lamaj, në Shkurt të vitit 2012.
Të njëtat burime thanë se, ai është ndaluar në provincën Shiphol të Amsterdamit dhe është akuzuar për vënie në përdorim të dokumentave dhe identiteteve të falsifikuara.
Pas deklaratës së Berishës në emisionin e Eni Vasilit, se Frroku ishte arrestuar në Holandë, policia shqiptare ka kërkuar informacion nga Zyra Qëndrore Interpolit dhe Europolit për këtë çështje.
Fillimisht Zyra e Interpolit ka sjellë një përgjigje negative, ndërsa këtë të enjte, zyrtarisht është dhënë informacion për ndaliminin e shtetasit Renato Xhepa, i dyshuar se është Arben Frroku.
Të njëjtat burime thanë se, pas këtij konfirmimi do të ndiqen të gjitha procedurat ligjore, në bashkëpunim edhe me Prokurorinë e Përgjithshme, për sqarimin e dyshimeve të autoriteteve belge dhe në rast konfirmimi, ekstradimin e tij drejt Shqipërisë.
Arben Frroku u dënua me burgim të përjetshëm të formës së prerë nga Gjykata e Apelit, por pas këtij vendimi u konstatua largimi i tij nga Shqipëria.
Biznesmeni Arben Frroku u arrestua më 25 shkurt 2013 në Greqi, pas dyshimeve të Prokurorisë për Krimet e Rënda se ishte i përfshirë në vrasjen e kryekomisarit Dritan Lamaj. Ai u arrestua së bashku me shtetasin Jak Jaku.
Pas qëndrimit në një masë sigurie izoluese në këtë vend në 7 qershor 2013, Gjykata e Lartë greke vendosi ekstradimin e Frrokut në Shqipëri. Ky vendim u ekzekutua në nëntor të këtij viti, kur Frroku mbërriti në vendin tonë. Në 10 nëntor 2013, Gjykata e Shkallës së Parë për Krimet e Rënda caktoi ndaj tij masën e sigurisë “arrest në burg”, vendim që u la në fuqi në Apelin e Krimeve të Rënda.
Nga kjo masë, ai u lirua vetëm dje pas deklarimit të pafajshëm nga Gjykata. Gjatë gjithë fazës hetimore dhe më tej, pas nisjes së shqyrtimit të dosjes në Gjykata, i pandehuri Frroku ka mohuar kategorikisht të ishte i përfshirë në ekzekutimin e kryekomisarit Lamaj. Në lidhje me mosmarrëveshjet mes tij dhe ish-shefit të komisariatit të Kombinatit Lamaj, Frroku ka pretenduar në vijimësi se kishte ndjekur rrugën ligjore duke i denoncuar ato në organet kompetente.
PRETENCA
Në seancën gjyqësore të 18 marsit 2015, gjatë paraqitjes së konkluzioneve përfundimtare, përfaqësuesit e akuzës kërkuan deklarimin e fajshëm të Frrokut për akuzën e “vrasjes në rrethana të tjera cilësuese”, në bashkëpunim dhe dënimin e tij me burgim të përjetshëm. Prokurorët argumentuan se rezultonte e provuar se biznesmeni i akuzuar ishte një nga autorët e ngjarjes së 24 shkurtit 2013. Në pretencën e Prokurorisë thuhej se viktima kishte pasur një konflikt serioz me të pandehurin, që ka filluar në muajin mars 2012 dhe është acaruar në shtator të këtij viti, kur i pandehuri është shoqëruar në Komisariatin e Policisë Nr.6.
