Gareth Bale do të qëndrojë jashtë fushe deri në prill të vitit të ardhshëm. Do të jenë plot 25 ndeshje në të cilat ylli uellsian nuk do të mundet të luajë për Real Madridin. Periudha e riaftësimit pritej që në fillim të ishte e gjatë, deri në shkurt, por një komplikim gjatë ndërhyrjes kirurgjikale ka bërë që afati për rehabilitimin të zgjatet me të paktën dy muaj.
Gjatë operacionit, mjekët evidentuan se dëmtimi në kavilje ishte më i rëndë nga sa parashikohej. Sulmuesit do t’i duhet të qëndrojë për 10 ditë me kaviljen në allçi. Gjatë kësaj kohe, 27-vjeçari do të qëndrojë në Kardif, kryeqyteti i Uellsit, qyteti i tij i lindjes.
d.i.