Presidenti turk, Recep Tayyip Erdogan urdhëroi shërbimet e rojave bregdetare të pengojnë migrantët të kalojnë Detin Egje, njoftoi media turke.
“Me urdhër të presidentit asnjë autorizim nuk do të jepet për migrantët për të kaluar Detin Egje për shkak të rrezikut që përbën kjo gjë”, theksoi roja bregdetare, cituar nga agjencia turke e lajmeve Anadolu Agency.
“Qasja që konsiston në mosndërhyrjen për të parandaluar migrantët të largohen nga Turqia mbetet e vlefshme, përveç largimeve nga deti, për shkak të rreziqeve”, shtoi ai.
Shërbimi i rojave bregdetare deklaroi se kishte shpëtuar 97 migrantë në rrezik.
