Grupi slloven Laibach filloi të premten turneun evropian prej Nurembergut të quajtur “ The Sounds of music”, në kujtim të performancës së vitit të kaluar në Korenë e Veriut, ku ata realizuan disa mjuzikëll me të njëjtin emër.
Siç është raportuar nga agjencia e lajmeve HINA, në median Sllovene, emri jozyrtar i turneut është “në Europën e pushtuar”, në mënyrë për të treguar se në Evropë po vihet serish gardh teli dhe barriera teknike që po përçajnë njerëzit në botë. Në media thuhet se Laibach do paraqesë pjesë programi që paraqiti edhe në kryeqytetin e Koresë së Veriut, Pheniani, një përzierje e këngëve të reja dhe të vjetra me albumin “Wat”, krijuar që nga viti 2003, ndër të cilat “Now you will pay “, “The great divide “,” Das Spiel ist aus “, për shkak se janë aktuale në kohën e krizës së refugjatëve.
Turneu i Laibach do të vazhdojë në Gjermani, në “Shtëpinë e botës kulturës” në Berlin dhe ata do të performojnë edhe në festivalin “Këndoi luftës” (Krieg Singen), e cila është dedikuar për përvjetorin e Luftës së Parë Botërore. Koncerti i madh i fundit i Laibach do të mbahet më 9 shkurt në sallën Henry Le Boeuf Hall, në Bruksel. Në këtë koncert, grupi do të performojë me Orkestrën Simfonike të Radio Televizionit të Sllovenisë, drejtuar nga Simon Dvoršak.
