Kompania e Samir Manes është tërhequr nga ndërtimi i vilave të Frangaj qysh në qershor të këtij viti, duke i hapur rrugë Aleksandër Frangajt të investojë i vetëm në atë teritor.
Dje ai është tërhequr formalist dhe nga pronësia e dyshimtë e fituar mbi token, duke ja kthyer atë fshatit. Komuna e Golemit i ka bërë Frangajt rinovimin e lejes që i përfundonte më 2 shtator 2015, duke përdorur faktin që ai po kërkonte ndryshimin e shoqërisë ndërtuese.
Kështu, me ndryshimin e shoqërisë ndërtuese, është ndryshuar dhe afati i fillimit të punimeve që Komuna e Golemit e ka caktuar 31 shtator 2016. Siç dihet, shtatori ka 30 ditë, por Komuna ka bërë një lëshim për Frangajn, për ta bërë me 31 ditë.
Nuk dihet nëse ky lapsus është bërë qëllimisht, apo jo, por e rëndësishme është të kuptohet se Frangaj ka marrë dy herë leje nga Komuna socialiste e Golemit, në vitin 2014 dhe në vitin 2015.
Nesër banorët e “Lagunës Blu” do të jenë në protestë tek vendi ku kanë filluar punimet, ndërsa Frangaj në një intervistë të tij sot është mbrojtur se sulmet ndaj tij janë gjobvënie. S’ka se si të mendojë ndryshe nga mënyra si vepron vetë. Tema/
