Bllokimi i dailanit që lidh detin me Lagunën e Nartës po sjell pasoja katastrofike për gjallesat në këtë lagunë. Prej muajsh ky kanal është i bllokuar dhe mosndërhyrja në kohë mund të pasojë me katastrofë ekologjike.
Shkak po bëhet mbyllja e kanalit që e lidh me detin nga dhe laguna furnizohet me ujë. Dëmi që po i shkaktohet kësaj lagune për shkak të mos ndërhyrjes është i parikuperueshëm, pasi peshkatarët e zonës pohojnë se gjallesat në këtë lagunë po shkojë drejt zhdukjes.
Shqetësimin e tyre peshkatarët e kanë adresuar edhe pranë ministrinë së Bujqësisë dhe menaxhimit të ujërave, por deri më sot nuk është marrë asnjë përgjigje për këtë katastrofë që po i ndodh Lagunës së Nartës, referon shqiptarja.com.
