Emisioni “Dritare me Rudinën” është shoqëruar me tensione dhe debate të ashpra gjithë kohës. Në mbyllje të emisionit janë përplasur ashpër artisti Laert Vasili dhe ish-deputeti, Lefter Maliqi.
Vasili i ka kërkuar Maliqit që të pushojë dhe të flasë Aurel Bylykbashi, por ish-deputeti ka vazhduar të flasë duke sjellë ngritje tonesh zëri nga të dyja anët.
Aktori Vasili i ka thënë deputetit se nuk i arrin as te maja e thoit!
Por Maliqi tha se përgjimet tregojnë se kjo qeveri është e lidhur me banditë dhe kriminelë, ndërsa Vasili u shpreh se shqiptarët duhet të votojnë më datë 30 qershor.
Debati i zhvilluar mes Maliqit dhe Vasilit:
Maliqi: Të pëlqyen përgjimet?
Vasili: Kolegji Zgjedhor votoi 5:0. Populli shqiptar më datë 30 duhet të votojë.
Maliqi: Ky parlament ka lidhje me bandat dhe ju thoni tmerr.
Vasili: Parlamenti ka qenë dkur shembull, e keni kthyer në lemeri.
Maliqi: Po unë e njoh mirë situatën në Kuvend, është tmerr e lemeri. Rama do bëhet diktator, do fitojë gjithçka. Këtë do?
Vasili: Deputetët opozitarë morën një urdhër totalitar që të ikin nga vendi i punës. Në momentin që ti tradhton popullin, nuk ke pse thua që 1997 ishte lule e të tjerë. Në politikën shqiptare duhet të kthehet etika, duhet të mos ketë fjalor me kërcënime me burg, të mos ketë fjalime si të kohës së xhaxhit Enver. Populli shqiptar e di shumë mirë që në fillim të 90 sesi njerëzit terrorizonin popullin e Tiranës. Nuk ka më populli shqiptar që të dëgjojë për tmerre e lemeri, por tka nevojë për paqe.
g.kosovari
