Juristja Brisida Gjikondi, e ftuar në ‘Tirana Live’ komentoi zhvillimet më të fundit në angazhimin zgjedhor të Partisë Demokratike e cila tashmë ka një eksponent të ri amerikan, Lacivita.
Sipas Gjikondit, Lacivita është biznesmen pragamtist dhe nuk ka akses në dosjen Non Grata. Ajo u shpreh se Berisha ka mbaruar punë me politikën, thjesht mbron interesat e familjes së tij.
“Lacivita është një biznesmen pragmatist, lobon për aq sa paguhet. Biznesmen të formatit të tij nuk i shtrijnë këmbët më shumë seç kanë jorganin. Ai e di shumë mirë që nuk e mbulon atë fushë, është për PR dhe për të marrë disa lekë për të krijuar iluzione. Për atë e di shumë mirë që nuk e bën dot dhe nuk ka akses tek dosja e Non Gratës.
Dosja Non Grata është bërë nga administrata e Trump. Prandaj Berisha luan me emocionet e shqiptarëve, ajo damkë nuk ka për t’ju hequr. Lacivita nuk e di mendësinë dhe si mendojnë shqiptarët. Asnjëherë Berishën nuk e marrë seriozisht se ndryshe mendon, vepron dhe bën. Lacivita ka vetëm marrëdhënie biznesi me familjen Berisha sepse Berisha ka mbaruar punë me politikën thjesht është mbrojtës i interesave të familjes së tij.”
