Moti i keq që ka përfshirë vendin që prej ditës së djeshme ka shkaktuar probleme në disa zona.
Erërat e forta dhe shiu i dendur që ka rënë gjatë natës ka bërë qe disa pisha të bien e të bllokojnë aksin nacional Krujë-Fushë Krujë në vendin e quajtur Krastë. Për pasojë në këtë aks është bllokuar qarkullimi i automjeteve.
Ndërkohë, alarmante raportohet të jetë gjendja në disa fshatra të Krujës, ku uji ka depërtuar në banesa. Mësohet se fshati Luz, Mazhë, Mallkuç, Gjuricë, Bilaj, Murqinë, Hasan, Ura e Gjoles, janë nën ujë.
Ndërkaq, edhe qyteti i Laçit është zgjuar sot nën pushtetin e ujit. Po ashtu e njëjta situatë raportohet edhe në Kurbin. Uji ka hyrë në shumë banesa dhe biznese. /l.m
