Policia e Kurbinit ka arrestuar në flagrancë një gjyqtare dhe një avokat të akuzuar për korrupsion. Në pranga kanë rënë gjyqtarja Parashqevi Ademi dhe avokati Gjovalin Prendi, të cilët dyshohet se kanë marrë para në këmbim të një çështje.
Burime për JavaNews.al bëjnë të ditur se gjyqtarja dhe avokati kishin marrë rreth 2 milionë lekë të vjetra për një çështje të një gjyqtari.
Nga ana e saj autoritetet e rendit kanë sekuestruar në cilësinë e provës materiale paratë, me të cilët gjyqtarja dhe avokati u kapën në flagrancë.
