Ka marrë fund arratia e dy personave të cilët akuzohen nga policia si vrasës të Ervis Zybës. Policia e Kurbinit ka vënë në pranga dy autorët e dyshuar të kësaj vrasje, ngjarje e ndodhur dy ditë më parë në Laç. Efektivët e policisë falë një operacioni të mirëorganizuar kanë prangosur mëngjesin e sotëm rreth orës 01:00 Elgert Carën, 19 vjeç. Dhe Dorjan Carën, 25 vjeç. Të dy ishin shpallu në kërkim për vrasje me paramendim si dhe armëmbajtje pa leje. Sipas dinamikës së ngjarjes, Zyba mbeti viktimë e një sherri të shokut të tij, Xhevahir Lika me Elgert dhe Dorjan Carën.
