Gazeta e madhe italiane La Repubblica ka lëshuar alarmin se së shpejti mund të lindë njëkorsi e re emigracioni nga vendet në konflikt, drejt Europës Perëndimore. Pas samitit të fundit europian rreth emigracionit, gazeta citon burime nga Brukseli, të cilat flasin për mundësinë e nisjes së zbarkimeve të emigrantëve nga Shqipëria përmes detit Adriatik.
Në artikullin e titulluar “Emigrantët, samiti BE, ekziston rreziku i një rruge të re Shqipëri- Itali” thuhet se:
“Zgjidhje të përbashkëta në shenjë të solidaritetit europian e përgjigje konkrete nga ana e vendeve të BE e ekstra komunitare për t’i bërë ballë krizës së emigrantëve.
Takimi i Brukselit përpiqet t’u gjej një sintezë kërkesave të vendeve që gjënden përgjatë rrugës Ballkanike.
Në samit u shfaq preokupimi i BE se skafistët mund të hapin këtë dimër një rrugë të re trafikimi mes Shqipërisë e Italisë, nëse kufijtë ballkanikë të BE do të jenë të mbylluara nga kontrollet e shumta. E referon këtë fakt një burim i BE në prag të mini samitit ku mori pjesë dhe kryeministri shqiptar Edi Rama.
Ky preokupim ka shtyrë liderët e pranishëm të vendosin shtimin e kontrolleve në rrugët tokësore mes Greqisë e Shqipërisë.
Një rinisje e fluksit të emigrantëve nga Shqipëria drejt Italisë do të thotë një rikthim në të kaluarën, 20 viet pas kur gomonet e anijet e shqiptarëve kapërcenin 50 miljet e Detit Adriatik për t’i shpëtuar kaosit në të cilin kishte hyrë vendi pas rrëzimit të regjimit komunist.”
