Ka shumë gjëra që mund të bëni për të kthjelluar mendjen tuaj nga ajo që njihet si “mjegulla e trurit”, ose pamundësia për të përballuar informacionin.
Mund të shkosh në palestër ose të ushtrohesh fizikisht ( një fakt i provuar shkencërisht që ndihmon aftësitë tuaja konjitive) ose mund të bëni një dorë gjumë të mirë për të rifreskuar aftësitë tuaja mendore, ose…
Mund të përdorni ilaçe!
Shkenca ka avancuar dhe barnat “nootropike” (ilaçet inteligjente) janë një përgjigje alternative për të rritur aftësitë konjitive, kujtesën, dhe aftësitë tuaja në vendimarrje.
Mijëra studentë, menaxherë e drejtues kompanish në fakt janë përdorues të rregullt të këtyre medikamenteve.
Por ka një substancë, që është provuar ( në një publikim të revistës Neuro-psiko-farmakologjike Euopiane) tashmë se rrit dukshëm aftësinë tënde, në disa aspekte, që janë si më poshtë vijon:
Rrit vëmendjen, memorjen, aftësinë për të mësuar, dhe në tërësi aftësinë konjitive( për të kuptuar) të trurit.
Kjo substancë quhet Modafinil.
Por substanca të tilla, të njohura si nootropike, në fakt nuk janë dhe aq të reja. Sigmund Freud është njëri nga ata persona të njohur, që ka përdorur të tilla substanca përpara 100 viteve.
Por ato substanca dhe një sërë të tjera që qarkullojnë kudo nëpër farmaci shkaktojnë një sërë efektesh anësore, ku më e padiskutueshmja është normalisht varësia prej tyre.
Por kjo është ajo që e bën Modafinilin një ilaç interesant.
Sipas një studimi të kërkuesëve shkencorë Ruairidh Battleday dhe Anna-Katherine Brem (Universiteti i Oxfordit) nuk ka rezultuar se ky ilaç krijon varësi apo ka efekte anësore.
Si funksionon Modafinil dhe çfarë i bën trurit
Dy shkencëtarët e Oxford-it analizuan një sërë studimesh dhe eksperimentesh të bëra me këtë ilaç, të cilat mund të ndahen në dy kategori: Më eksperimentime bazike ose komplekse të aftësive konjitive të trurit.
Në eksperimentimet bazike rezultoi se efektshmëria e këtij ilaçi ishte mikse, pra e një rendimenti jo të lartë. Por studimet tregonin se ndryshe ishte efektshmëria e Modafinilit, në eskperimentet ku në analizë merreshin aspektet komplekse të trurit.
Rezultonte se me përdorimin e këtij ilaçi, vëmendja e personave ishte rritur, aftësia për t’u fokusuar dhe për të procesuar informacion të rëndësishëm njihte gjithashtu një nivel në rritje… dhe të dukshëm.
Një tjetër aspekt që kishte njohur rritje ishte dhe aftësia e personave për të mbajtur mend shumë më shumë informacion dhe për ta përdorur këtë të fundit në mënyrën më të mirë.
A mund ta marrësh këtë ilaç?
Përgjigja është “Jo Tani!”… vetëm nëse ke narkolepsi.
Kur vjen puna tek siguria, të dy shkencëtarët e Oxfordit rekomandojnë se ende nuk ka eksperimente ku ky ilaç të jetë dhënë në mënyrë të vazhdueshme. Ndaj dhe, ende, nuk është ide e mirë që të rekomandohet./ Marrë me shkurtime nga Business Insider/ Java./a.k
