Ish-kryeministri Sali Berisha ka folur për procesin gjyqësor për njohjen e statutit të Partisë Demokratike. Gjatë një takimi me banorët e njësisë 1 dhe 3 në Tiranë, Berisha tha se Rama ka urdhëruar gjykatën që ta mbajë pezull këtë proces.
Ish-kryeministri tha se nuk do t’ia dorëzojë flamurin e Partisë Demokratike askujt që tenton për të “eleminuar” këtë forcë politike.
Berisha: Gjykata ka vendosur. Edi Rama e ka urdhëruar që të mos regjistrohet në regjistrin. Është akti më formal. E bën për të na zhdukur ne. E ka shndërruar votën në fiktive. Votoni si të doni, por rezultatin e nxjerr unë si të dua. Ne vijmë këtu, tek ekzistenca jonë. A duhet të ekzistojmë? Kemi 1000 arsye të ekzistojmë. Flamurin s’ja dorëzojmë njeriu. Ai që do këtë, të përgatitet për betejë, si të dojë. Ne kemi punë me Edi Ramën, jo me gjykatën.
Ky ka një taktikë. Bën një skandal, pastaj një të dytë që të dalë nga e para. Nuk ka rrugë përveç largimit të tij. Largohet me protesta të fuqishme popullore. Nuk lëvizim nga kjo linjë. Çfarë do bëhet me votën? Ky është armik i botës. Mos mendojë kush se ai ndryshon. Me keqësinë e tij psikologjike, është në çdo moment i aftë të kryejë çdo ligësi. Përveç kësaj, Edi Rama ka firmosur në aferën e inceneratorëve. Një vepër madhore penale.
Ka firmosur kontratën për të cilën, institucioni shtetëror i specializuar në atë fushë, që për negociatat e mbllura nuk ekzistojë. Ai e bën vetëm për veten e tij. Do të mbushë valixhet e tij me dhjetra milionë euro. E ka bërë këtë. Ky për këtë ka të paktën 30 vjet burg. Mos të flasim për një sërë dosjesh të tjera/m.j
