Kuvendi ka nisur të nxjerrë “avujt” e parë të tensioneve menjëherë me ardhjen e ish kryeministrit Berisha, teksa debati është zhvendosur në çështje e ekonomisë së vendit. Berisha ka replikuar me fjalën e Ministrit të Financave Ahmetaj, duke thënë se borxhi publik ishte 62% por tashmë është 72%, duke deklaruar se nuk është ulur asnjë gjë. Më tutje Berisha ka shtuar se edhe rritja e pagave për të cilën po bëhet gati qeveria, është në fakt një indeksim pagash në raport me inflacionin. Madje Berisha ka shtuar se në vitin 2013 në borderonë e Kryeministrisë rezultonin rreth 120 persona si punonjës, ndërsa tani dalin më shumë se 500 të tillë.
Nuk kanë munguar dhe batutat mes Berishës dhe socialistëve, përfshi Ahmetajn dhe Erjon Braçen, i cili ka folur nga vendi teksa në replikë, Berisha e ka quajtur kanabist.
Debati
Berisha hyn në sallë dhe e ndërpret, Ahmetaj: Mirëse erdhe, më kishe munguar!
Berisha: Së pari dua të vlerësoj zotin kanabist për përgënjeshtrimin që i bëri kryekanabistit. Ju zotëri që ishit në asamble të partisë suaj, a nuk ju tha që për herë të parë po ulet borxhi nën 70%. A nuk thotë sot ky tjetri se është 71 %? Jeni bërë të neveritshëm. Në çdo fjale nxirrni një mashtrim. I rrahu gjoksin ai që s’di ça është borxhi, që po bëhet famoz për injorancën.
Takova një mik të shquar jashtë. Lëre Sali më tha, më dha librin e shkarravinave, që aty dukej psiqik. Për fat kisha dhe dëshmitar në këtë takim.
Sipas njoftimti të fundit jo që nuk janë 100 mln dollarë, por janë fiks 64 mln dollarë. Vrapon duke rrahur nga nëjri vend në tjetrin duke rrahur gjoksin për 100 milionë rritje. Në fakt janë vetëm 64 dhe është indeksim. U katandis kokoshi në thelë. U keni shkatërrruar çdo gjë. Këshilli i Ministrave sot ka në bordero 530 vetë punonjës nga 128 që kishte në vitin 2013. Prandaj s’vjen dot në parlament ai. Nuk ka si të vijë sepse regjistron çdo ditë një regjistrim. Dhe tani thotë do vendosim për fondin në shkurt. Qëndrimi apo jo i FMN do jetë një gjë e vendosur nga kriteret. Me borxhin mbi 70% fondi nuk mund të largohet. Keni mashtruar fondin në mënyrë monstruoze. Pse e morët borxhin, për tu kapardisur. Vetëm dështime në çdo fushë.
Berisha-braces që flet nga vendi: Pusho se edhe ti kanabist je si këta. Ti je injorant.
vijon…
