Kryetari i Komisionit Qendror të Zgjedhjeve, Klement Zguri, pritet të shkarkohet nga parlamenti më 30 Nëntor.
Lajmi bëhet i ditur nga ABC News, sipas burimeve të së cilës në të njëjtën seancë pritet edhe miratimi i buxhetit të shtetit për vitin 2018.
Ndërkohë, mësohet se këtë javë nuk do të ketë seancë plenare.
Para se të votohet në parlament, kërkesa e Partisë Socialiste për shkarkimin e kryetarit të Komisionit Qendror të Zgjedhjeve do të shqyrtohet nga Komisioni i Ligjeve.
Klement Zguri u zgjodh në krye të KQZ në bazë të marrëveshjes Rama – Basha dhe socialistët thotë se ai nuk e justifikon qëndrimin në atë detyrë, sa kohë që sipas tyre, ai shkeli ligjin duke mos e shqyrtuar kërkesën e Prokurorisë për Kryebashkiakun e Mallakastrës, i cili preket nga ligji i Dekriminalizimit.
Kryeministri ka lajmëruar se ka nisur procedurat e shkarkimit dhe për vetë Kryebashkiakun demokrat të Mallakastrës, i cili është dënuar me burg për me dy vjet për një vjedhje në Itali. /b.d
