Siç edhe është parashtruar në rendin e ditës, me kërkesën e më shumë se ¼ së deputetëve të Kuvendit, anëtarë të PD dhe LSI do të kërkohet ngritja e komisionit hetimor “Për kontrollin e ligjshmërisë së veprimeve të organeve të pushtetit ekzekutiv dhe të institucioneve të tjera shtetërore në pajisjen e z. Gent Cakaj me “certifikatë të sigurisë”.
Gjithashtu në seancën e sotme do të rrëzohet propozimi i presidentit Ilir Meta për kryetarin e Kontrollit të Lartë të Shtetit.
Më herët, propozimi i tij u rrëzua në Komisionin e Ekonomisë disa ditë më parë.
***
Kuvendi i Shqipërisë është mbledhur sot në 10:00, por seanca është ndërprerë me kërkesë të PD.
Partia Demokratike, përmes deputeti Enkelejd Alibeaj, në nisje të seancës plenare ka kërkuar 30 minuta pushim, për të zhvilluar një mbledhje të grupit parlamentar.
“Do të doja 30 minuta pushim, do të bëjmë mbledhjen grupi. Ne kemi të nevojshme 30 minuta pushim për të përcaktuar edhe cështje që kanë lidhje me rendin e ditës për mbarëvajtjen e saj“, tha Alibeaj
Kryetari i grupit të PS, Taulant Balla, ironizoi duke thënë se nuk deputetët e PD nuk janë zgjuar nga gjumi dhe Basha nuk e kap kurrë orën 10.
“Kërkesa e një grupi parlamentar për të kërkuar pushim është e lidhur me një çështje lidhur me rendin e ditës. PD mos ta bëjë qesharake zhvillimin normal të një seance plenare. Sa kohë që grupi juaj parlamentar në sallë është më pak se gishtat e dorës dhe derisa pjesa tjetër të zgjohet në të vijojmë seancën. Thojeni troç, e keni vënë Bashën të parë në listë dhe ai nuk e kap orën 10 dhe pastaj kërkoni mbledhje grupi”, tha Balla
Javanews/ a.cupaj
