Pavarësisht raportimeve me foto dhe video nga sallat e Kuvendit, ku duken mure e plasaritura, Kuvendi i Shqipërisë e mohon se dëmet janë shkaktuar nga tërmeti.
Në një komunikim për mediat, institucioni në fjalë shprehet se ka kryer verifikimet dhe rezulton se dëmtimet nuk kanë qenë si pasojë e tërmetit.
Reagim i Kuvendit të Shqipërisë
Reagim i Kuvendit të Shqipërisë, lidhur me lajmet e pasqyruara në mediat, ku thuhet se: “Si pasojë e tronditjes së fortë, janë shkaktuar dëme të mëdha në ambientet e Kryesisë së Kuvendit”.
Ju bëjmë me dije se, pas verifikimeve të kryera në ambientet e Kryesisë së Kuvendit dhe të sallës së seancës plenare, ju informojmë se nuk ka pasur asnjë dëmtim nga lëkundjet e tërmetit.
Puna në Komisionet Parlamentare vijon sipas agjendës së rendit të ditës
Faleminderit.
/b.d
