Mazhoranca ka miratuar vendimet për krijimin e dy komisioneve ad-hoc për Vettingun të përbëra nga 12 dhe 6 anëtarë.
Në mbledhjen e jashtëzakonshme të Kuvendit, shumica ka miratuar me 82 vota krijimin e komisioneve dhe emrat që do të përfaqësojnë mazhorancën.
Në komisionin me 12 anëtarë, LSI tërhoqi kandidaturën e Silva Cakës për t’ja lënë vendin Mesila Dodës së PDIU-së.
Partia Socialiste ka propozuar për në komisionin me 12 anëtarë emrat e deputetëve, Ulsi Manja, Bashkim Fino, Pandeli Majko dhe Evis Kushi, LSI propozoi Luan Ramën, dhe Doda nga PDIU.
Ndërsa për komisionin me 6 anëtarë, PS ka propozuar Vasilika Hysin dhe Ervin Bushatin, ndërsa LSI Vangjel Tavon.
Në secilin prej komisioneve, mazhoranca do të ketë përkatësisht 6 dhe 3 anëtarë ndërsa gjysma e anëtarëve i takojnë opozitës e cila vijon bojkotin, edhe pse mazhoranca votoi emrat e saj në komisione, procesi nuk mund të zhbllokohe pa anëtarët e opozitës që nuk ka pranuar të zhbllokojë Vettingun pa qeverinë teknike.
/a.m.
