Mazhoranca miratoi sot mes kaosit të shkaktuar nga deputetët e opozitës dhe tymueseve të ndezura prej tyre ndryshimet në Rregullore me 74 vota pro.
Kryetari i grupimit të Rithemelimit të Partisë Demokratike, Sali Berisha duke folur për mediat jashtë sallës së parlamentit, deklaroi se, mazhoranca sot miratoi nenin që e bën vendin pa opozitë.
Gjatë komunikimit me gazetarët, Bardhi ka paralajmëruar se do të dërgojnë në Gjykatën Kushtetuese miratimin e rregullores së re të Kuvendit.
Sipas Bardhit ata nuk do t’i binden ndryshimeve të reja të Rregullores së Kuvendit.
“Miratuan ndryshime që bien ndesh me Kushtetutën e Shqipërisë. Vendimi i sotëm i pezullimit të mandatit të deputetëve të opozitës do të dërgohet për shqyrtim në Gjykatën Kushtetuese. Ne përveçse do ta çojmë në Gjykatën Kushtetuese nuk dot t’i bindemi rregullave të tyre”, theksoi ai.
Pak minuta pas tij ka ardhur edhe reagimi i kreut të grupit parlamentar socialist. Bledi Çuçi tha për mediat se nuk ka asnjë shqetësim me kushtetueshmërinë e ndryshimeve të bëra.
“60 ditëshi i përjashtimit është vetëm kur vendosin zjarr në Kuvend apo ushtrojnë dhunë dhe mendojmë që kjo është krejt normale për këto vepra penale. Nëse 23 deputetë të opozitës ndezin zjarr, do të përjashtohen të gjithë për 2 muaj. Mirë do të ishte për ta diskutuar, por këtu sic e shihni ata nuk duan të diskutojnë” – tha ai.
/a.r
