Kuvendi ka miratuar 6 ligjet e mbetura të reformës në drejtësi që më në fund jetësojnë të gjithë procesin dhe hapjen e rrugës për krijimin e institucioneve të reja.
Përpara se të niste votimi për 6 ligjet, PD kërkoi 5 minuta pushim për të mbledhur grupin e saj parlamentar. Pavarësisht këtij vendimi të papritur, PD ka dhënë votat e saj për ligjin për SPAK dhe më pas është larguar nga parlamenti duke mos votuar 5 ligjet e tjera. Projekligji për Strukturën e Posaçme Anti- Korrupsion është miratuar me 122 vota.
Votimi i 5 ligjeve të tjera ka vijuar normalisht duke u votuar vetëm me kartonat e maxhorancës. Me 86 vota pro janë miratuar ligjet e mbetura, teksa është vënë re se kishte një votë abstenim për secilën nga pr.ligjet, përjashto atë për SPAK-un. Ky karton i bardhë ishte i kreut të PBDNJ-së Vangjel Dule, i cili ndryshe nga opozita nuk ka braktisur parlamentin, por ka abstenuar.
Votimi i 5 ligjeve të tjera
122 vota pro për ligjin për SPAK, 15 veta pa votuar
Projektligji “Për organet e qeverisjes të sistemit të drejtësisë në Republikën e Shqipërisë”- 86 vota, 1 abstenim
Projekligji për statusin e gjyqtarëve dhe prokurorëve të Shqipërisë- 86 vota pro, 1 abstenim
Pr.ligji për organizimin dhe funksionimin e Prokurorisë- 86 vota pro, 1 abstenim
Pr.ligji për Organizimin e pushtetit Gjyqësor- 86 vota pro, 1 abstenim
Pr.ligji për Organizimin dhe Funksionimin e Gjykatës Kushtetuese- 86 vota pro, 1 abstenim
