Kuvendi është mbledhur sot në seancë plenare. Opozita nuk është e pranishme në sallë, duke vijuar kështu bojkotin që në nisje të sesionit të ri parlamentar.
Gjatë diskutimit të projektligjit për dhënien me qira të tokave shtetërore, ministri i Bujqësisë, Niko Peleshi deklaroi se po punohet për diversifikimin e ekonomisë së fshatit.
“90% e fërmerëve i quajmë kot fermerë, pasi janë thjesht kopshtar. Prandaj duhet të diversifikojmë ekonomine e fshatit. Do subvensionojmë fermerët, duke u fokusuar tek fshati përmes agroturizmit. Ndaj kërkoj mbështetje për ligjin. Drejtoritë e Bujqësisë janë duke u shpërbërë dhe po krijohen dy agjenci të reja. Kemi hartuar një program në bashkëpunim me Universitetin Bujqësor”, deklaroi Peleshi
Peleshi paralajmëroi hapjen e një kanali të posaçëm për bujqësinë, në platformën e RTSH
“RTSH do të ketë një kalal të posaçëm për bujqësinë, mund të quhet RTSH Agronom. Fermerët do këshillohet përmes platformës dixhitale të RTSH”, deklaroi Peleshi
Javanews/a.ç
