Seanca plenare e Kuvendit e ditës së enjte ka në rend dite ratifikimin e disa marrëveshjeve, që lidhen me projekte në infrastrukturë.
Krahas ratifikimit të dokumentit për Kongresin e 25-të të Bashkimit të Përbotshëm Postar DOHA 2012, axhenda e parlamentit parashikon ratifikimin e marrëveshjes së grantit, ndërmjet qeverisë shqiptare dhe Bankës Evropiane për Rindërtim dhe Zhvillim, për by-pass-et rrugore të Fierit dhe Vlorës.
Seanca e sotme ka në rend dite edhe miratimin e dy pr/rezolutave, ajo për vlerësimin e punës së Autoritetit të Mbikëqyrjes Financiare dhe të punës së Avokatit të Popullit për vitin 2014.
