Kuvendi nisi punimet e seancës plenare me diskutimin e marrëveshjes mes qeverisë shqiptare dhe BERZH për projektin “Ofrimin e shërbimeve publike me në qendër qytetarin”.
Ky projekt i mbeshtetur nga Banka Boterore synon luftimin e korrupsionit në sportelet publike duke vendosur standarde të reja në ofrimin e shërbimeve për qytetarët. Ndërkohë, debatet nga foltorja janë zhvilluar mes Spartak Brahos nga PD dhe ministri Ahmetaj.
Por, ish-kryeministri ka marrë fjalën duke dalë nga rendi i ditës dhe duke u ndalur në Reformën e Drejtësisë. Në fjalën e tij, Berisha tha se grupi që po e udhëheq procesin përfaësohet nga Fatmir Xhafaj, që sipas Berishës është përfaësues i klaneve të drogës.
“Duhet të vejëm një rregull këtu. Duhet të vejmë gjobë për çdo gënjeshtër. Të thuash që u ul varfëria, ndërkohë që statistikat tregojnë se u rrit me 30%, atëherë ti nuk di çfarë janë të varfërit pasi ke krijuar pasuri me bosin tënd. Sot është dita që të hiqet maska. Njeriu që nuk do reformën dhe e bllokon dhe luan me bllofin është Edi Rama. Ai saboton reformën në drejtësi dhe këtë ua them me përgjegjësi. Njeriu që po bllokon Byronë e Hetimit dhe thotë s’ma pranon Ylli Manjani. Çfarë ka Byroja e Hetimit? Ua them unë: Ekspertët amerikanë përputhen me vendimin e Gjykatës Kushtetuese. Silleni ta votojmë. Por Edi Rama thotë: S’më le Ylli Manjani. Rama e do për vete Byronë, se byroja do të fillojë me hetimin e Surrelit ‘ – akuzoi ish-kryeministri.
Kuvendi pritet të miratojë sot dhe përbërjen e komisionit të posaçëm parlamentar për reformën zgjedhore, i ngritur me me një vendim të parlamentit në fund të sesionit të kaluar.
