Nënprefekti i Matit, Hasan Pasha, ka botuar vetëm pak ditë më parë librin “Fisnikët e Matit”, i cili u kushtohet disa prej figurave të njohura të kësaj krahine.
Personazhet e përfshira në botim janë personalitetet më të shquara të krahinës së matit, ndërkohë që mes tyre ka persona të profesioneve të ndryshme, secili duke kontribuar për zonën në mënyrën e tij.
0“Gazetari i njohur i medias së shkruar dhe vizive, Hasan Pasha, autor i shumë shkrimeve nëpër gazeta e portale, si dhe i vëllimit publicistik “Të pathënat e tridhjetë viteve”, për botim të ri zgjodhi monografinë “Fisnikët e Matit”, kushtuar njerëzve që kanë kontribuar me mendje, zemër dhe krah për vendlindjen, atyre që ai i ka njohur vetë, specialistë të fushave të ndryshme, “intelektualët e shekullit të ri”, burra e gra që kanë dhënë më shumë se sa kanë marrë nga Mati”, shprehet kryetari i Klubit Letrat “Penda Budi” Mat, Hamdi Hysuka, në parathënien e librit.
Mes personazheve të përzgjedhur nga autori, janë edhe emra si Ymer Minxhozi, Qamil Xhika, Rexhep Klosi, Agim Cevani, Dilaver Kurti, Ymer Neli, Feride Kurti, Tahir Tahiraj, Ramiz Fiçorri, Sefer Duka, Sali Kurti, Nedin Hoxha, Sabri Aliaj.
“Kushtuar njerëzve që kanë kontribuar me mendje dhe zemër për vendlindjen”/ Nënprefekti i Matit Hasan Pasha boton librin “Fisnikët e Matit”
TË FUNDIT
