Gjykata Kushtetuese i ka hequr mandatin e deputetit Koço Kokëdhima. Mandati i deputetit socialist u çua në Gjykatën Kushtetuese nga ana e Partisë Demokratike, pasi akuzohej për përfitim të fondeve publike.

PD e akuzonte Kokëdhimën si përfituesin e 150 tenderave publikë nëpërmjet firmës së tij abissnet, në kohën që deputeti ishte mandatuar si i tillë. Kjo përbën shkelje kushtetuese, pasi deputetëve nuk u lejohet të përfitojnë apo ushtrojnë veprimtari përderisa gëzojnë një mandat si deputet. (neni 70 i Kushtetutës)

ZBARDHET VENDIMI I GJYKATËS KUSHTETUESE

Fatmir Xhafa në një deklarim pas marrjes së vendimit ka thënë se, respekton vendimin e marrë nga trupa gjyqësore.

“Nuk bëj komente mbi vendimet e Gjykatave, e respektoj vendimarrjen e saj. S’jam kaq i shpejtë se s’bëj pjesë në stafin tuaj” tha kreu i komisionit të reformës në drejtësi.

Kush do të zëvendësojë mandatin e deputetit Kokëdhima

Në listën e Vlorës për zgjedhjet parlamentare të vitit 2013 në radhë vjen Edmond Leka, ish- kryetari i PS-së së Vlorës që pak kohë më parë mori postin e Drejtorit të Portit të Durrësit.

QARKU VLORË

EDI RAMA

VALENTINA LESKAJ

KOÇO KOKËDHIMA

LUIZA XHUVANI

FATMIR TOÇI

ANDREA MARTO

EDMOND LEKA

SHUAIP BEQIRI

MIRA SHEHU

SHEME LULO

SOKOL BANA