15 vjeçari Mohammad Anwar, nga një fshat i provincës Punjab të Pakistanit, e kishte dëgjuar gabimisht imamin Shabbir Ahmed kur ai ka folur gjatë predikimit. Ahmed kishte pyetur se kush nuk e donte profetin Muhamed, dhe adoleshenti – i cili nuk e dëgjoi saktë – ngriti dorën.
Imami më pas e akuzoi atë për blasfemi në prani të të gjithë të pranishmëve, ndaj së cilës djaloshi u përgjigj duke shkuar në shtëpi dhe duke e këputur dorën e tij, dhe më pas ia paraqiti atë imamit në një pjatë.
Pas kësaj policia e arrestoi imamin në fjalë, dhe ngriti akuza ndaj tij për përdorim të gjuhës së urrejtjes dhe nxitje të dhunës, raporton Klan Kosova.
“Imamë të tillë analfabetë nuk do të duhej të lejoheshin për të mbajtur fjalime në xhami”, ka thënë shefi i policisë, ndërsa adoleshenti është përshëndetur si hero në mesin e bashkëvendësve të tij.
Po ashtu edhe babai i tij ka deklaruar se ndihet krenar me veprimin e të birit – duke shtuar se ai nuk deshi që imami të arrestohej.
Ligjet e Pakistanit nuk e definojnë blasfeminë, por deklarojnë se ndëshkimi është vdekja, megjithëse deri më tani asnjëherë një gjë e tillë nuk është kryer.
